Ахæм гæнæн сын скодта сывæллæттæн æххуысы фонд æмæ куыстдæттыны комитеты иумæйаг проект
Хистæркъласонтæн рагагъоммæ фадат ис, дæсныйæдты дунеимæ базонгæ уæвынæн, практикæйы сæхи бафæрварынæн, æмæ фидæны дæсныйад равзарынæн. Ахæм гæнæн сын скодта сывæллæттæн æххуысы фонд æмæ куыстдæттыны комитеты иумæйаг проект. Ацы хатт скъоладзаутæ бабæрæг кодтой Бруты кæсагдарæн хæдзарад.
Хистæр кълæсты æртын ахуырдзауы. Се хсæн фидæны юристтæ, экономисттæ, менеджертæ æмæ кæсагдарджытæ. Кæсагдарæн хæдзарадимæ сæ фидæн сбæттын сæ искæйы кæй бафæнддзæн, ууыл сæ зæрдæ дарынц проекты автортæ. Скъоладзауты зын, фæлæ уыцы-иу рæстæг цымыдисаг дæсныйадимæ базонгæ кæныны хъуыддаг сæхимæ райстой Бруты кæсагдарæн хæдзарады специалисттæ. Куыстуаты куыд зæгъынц, афтæмæй ацы къабазы республикæйы æппæтæй егъаудæр хæдзарады нæ фаг кæны кадртæ.
Фæсивæды æрзилын кодтой хæдзарады сæйраг бынæттыл. Радзырдтой сын кæсаг дарыны сусæгдзинæдты тыххæй. Бирæтæ дзы ацы хъуыддагмæ се ргом раздæхтой цымыдисæй, æмæ сæ бафæндыд, ацы дæсныйад райсын.
Фæсивæды кæсагдарæн куыстуатмæ аласын къухы бафтыди Уæрæсейы сывæллæтты фонды цæгатирыстойнаг хайады æмæ куыстдæттыны центры æмгуыстады фæрцы. Уæвгæ, комитеты минæвæрттæн скъоладзаутимæ арæх вæййы фембæлдтытæ. Специалисттæ кæнын профориентацион куыст. Ныртæккæ архайынц, се ргом фылдæр промышленносты æмæ хъæууон хæдзарады къабазмæ аздахыныл.
Ацы фембæлд фæстаг нæу. Куыстуæттыл экскурситæ цæудзысты дарддæр дæр. Проект аразджытæ та ныр фæнд кæнынц рæзгæ фæлтæры хойраджы промышленностимæ базонгæ кæнын.
