Архайдтой дзы Уæрæсейы президенты æххæстбарджын минæвары хæдивæг Цæгат Кавказы федералон зылды Максим Владимиров æмæ нæ республикæйы сæйраг федералон инспектор Челæхсаты Владимир
Хицауады хæдзары ма уыд национ проекттæ царды уадзыны тыххæй æмбырд. Архайдтой дзы Уæрæсейы президенты æххæстбарджын минæвары хæдивæг Цæгат Кавказы федералон зылды Максим Владимиров æмæ нæ республикæйы сæйраг федералон инспектор Челæхсаты Владимир. Хицауады уæнгтæ радзырдтой, национ проекттæ куыд æххæстгонд цæуынц, уый тыххæй. Бæлвырддæр та стыр æргом аздæхтой проекттæ «Амалхъомдзинады стæй чысыл æмæ астæуккаг куыстуæттæн æххуыс», «Демографи», «Ахуырад», «Культурæ», «Æнæниздзинадхъахъхъæнынад», «Цæрæнуæттæ æмæ горæты æнцон архайд», «Æдас æмæ хæрзхъæд фæндæгтæ» стæй «Экологи»-мæ. 2019-æм азы национ проекттæ царды уадзынæн радих кодтой 7 миллиардæй фылдæр. Максим Владимиров Цæгат Ирыстоны хицауады куыст хорзыл банымадта. Куыд загъта, афтæмæй бæрнон цæстæй кæсынц паддзахадон хæстæ æххæст кæнынмæ. Стыр куыст бакæнын хъæуы 2020-æм азы дæр.
