филиал вгтрк государственная телерадиовещательная компания “Алания”

Хæдзары дзаумæтты фабрикæ «Рокос» аразы стъолтæ æмæ бандæттæ, стæй библиотекæтæ. Куыстуатмæ Æрæфы æмæ Алагиры районты арендæйы ис 35 мин гектары хъæд. Фабрикæйы кусы 300 адæймаджы. Фæлæ сæм уæддæр куысджыты фарста у æппæтæй карздæр. Цæгат Ирыстоны ахæм специалисттæ нæ цæттæ кæнынц. Кусджыты фæахуыр кæнынц заводы. Ам цы продукци уадзынц, уый адæм хорз æлхæнынц. Æдæппæтæй 72 дилеры, уæйгæнæн бынæттæ сын ис Дзæуджыхъæуы дæр. Фæлæ хæдзары дзаумæттæ фылдæр уæй кæнынц стыр партитæй, заказтæ сын скæнынц Казахстанæй дæр. Премьер зæрдæ бавæрдта, заводæн кæй баххуыс кæндзæн, уымæй.

Фæстæдæр Такъоты Сергей бабæрæг кодта завод «Радуга». Ам аразынц цæстдарды системæтæн кусæнгæрзтæ. Хицауады сæрдарæн равдыстой ног кусæнгæрзтæ. Балхæдтой сæ кредитæй, фæлæ куыстуаты разамонæг куыд зæгъы, афтæмæй ам дæр нæ фаг кæны специалисттæ. Цæмæй адæмы куыстмæ сразæнгард кæной, уый тыххæй сæм ис, ахадгæ чи уыдзæн, ахæм пълан. Царды йæ рауадзынæн уыдонæн дæр баххуыс кæндзæн Такъоты Сергей.

Тауаситы Эльбрус, завод «Радуга»-йы директор: «Ацы фембæлдæн ис стыр ахадындзинад. Такъоты Сергей нын зæрдæ бавæрдта баххуыс кæнынæй. Стæй нын зæхх дæр ратдзысты».