22 августа 2014, 18:18
Хицауады сæрдары хæдивæг Челæхсаты Рустемы разамындæй абон уыд хицауады æмбырд
Ныхас цыд республикæйы хæххон районтыл. Сæйрагдæр та сæ экологон уавæрыл.
Ныхас цыд республикæйы хæххон районтыл. Сæйрагдæр та сæ экологон уавæрыл.
2015 азы Цæгат Ирыстоны уыдзæн хæххон районты райрæзты æмæ сæ экологон уавæр фæхуыздæр кæныны фарстаты фæдыл Æппæтдунеон конференци.
Октябры та сараздзысты семинар. Сбæрæг дзы кæндзысты, фидæны конференцийы цы фарстатыл дзурдзысты, уыдон.
Цæгат Ирыстоны хæхбæсты 7000 адæймагæй фылдæр нæ цæры. Фæлæ фæзуæтты фылдæр хай æрцахстой амалхъом адæм æмæ дзы аразынц фæлладуадзæн базæтæ æмæ ирхæфсæн бынæттæ. Афтæмæй та фæзуæтты дзæвгар хай сты экологон æгъдауæй – уникалон.
Цы цæрæгойтæ æмæ дзы зайæгойтæ ис, уыдон æндæр никуы æмбæлынц. Уымæй уæлдай ма амалхъом адæм аивынц историон бынæтты хуыз æмæ æддаг бакаст. Сæ архитектурæ сын скæнынц, сæхи куыд фæфæнды, афтæ.
Специалисты хъуыдымæ гæсгæ, иумæйаг домæнтæ чи не ххæст кæны, уыдоны хъæуы каздæр æфхæрын. Хорз уаид программæ «Ирыстоны хæхтæ» сног кæнын æмæ ландшафт чи ива, æрдзæн зиан чи хæсса, экологон домæнтæ чи не *ххæст кæна, уыдоны æфхæрын закъонмæ гæсгæ.
темæмæ гæсгæ
