Бæрнон кусджытæ рахастой уынаффæ аграрон секторæн баххуыс кæныны тыххæй
Хицауады Сæрдар Дзанайты Барисы разамындæй арæзт æрцыд хицауады æмбырд, æмæ дзы ныхас цыд къорд ахсджиаг фарстайыл. Бæрнон кусджытæ рахастой уынаффæ аграрон секторæн баххуыс кæныны тыххæй. Сфидар кодтой æрыгон специалистты номхыгъд. Уыдонæн лæвæрд цæудзысты субсидитæ, цæрæнуæттæ самал кæнынæн. Ацы аз ахæм æххуыс райсдзысты 350 бинонтæй фылдæр. Паддзахадон программæмæ ма бахастой ивддзинæдтæ культурæйы рæзты фæдыл. Раззагдæр къабæзты хсæн сты: æрдзон æмæ культурон бынтæ бахъахъхъæнын, инфраструктурæйыл кусын, æмæ иумæйаг культурон тыгъдад аразын. Хицауады æмбырды ма хицæн уынаффæ рахастой хъæууон хæдзарады кусджытæн субсидитæ дæттын, сæ хæрдзтæ сæхгæнынæн. Хъæууонхæдзарадон продукцийы кондад у ахсджиаг къабаз. Уымæ гæсгæ нæ республикæйы аграрон сектормæ стыр æргом здæхт цæуы. Йæхиуыл æнкъары куыд федералон, афтæ регионалон æххуысы мадзæлттæ. Ацы аз ын радих кодтой 900 милуан сомы бæрц. Ахæм куыст цæудзæн дарддæр дæр, – загъта Хицауады Сæрдар. Сфидар ма кодтой туризмы инфраструктурæйы рæзтæн гранттæ дæттыны фæтк дæр. Хицæн ныхас цыд республикæйы районты санитарон уавæрыл.
