Семинар саразыныл бакуыста социалон иртæстыты Экспертон институт
Хицаудзинады оргæнты иумæйаг системæйыл бакусын, уыимæ, Конституцимæ цы ивддзинæдтæ бацæттæ кодтой, уыдоны бындурыл. Ацы темæйыл æрныхас кодтой Уæллаг Фыййагдоны семнары. Йæ саразыныл бакуыста социалон иртæстыты Экспертон институт. Æрбахуыдтой йæм зындгонд политологты, наукон архайджыты, ахуырады кусджыты, хицаудзинады оргæнты минæвæртты стæй экспертон клуб «Дигори»-йы уæнгты. Стыр æргом аздæхтой бынæттон хиуынаффæйады æмæ паддзахадон хицаудзинады оргæнтæ иумæйаг системæ куыд аразынц, уымæ. Сæ æмархайды сæйраг нысан у – адæмы лыггæнинаг фарстатыл ахадгæйæ кусын. Ныхас цыд политикон тыхты программæтыл, æвзæрстыты агъоммæ. Уыдон та уыдзысты 2024-æм азы. Ахæм семинартæ ныридæгæн арæзт æрцыдысты Пензæйы, Калининграды æмæ Хъазаны.
