Бынæттон цæрджытæн сæ бон у ныр пайда кæнын хæрзхъæд мобилон интернетæй, фылдæр гæнæнтæ ис ахуырæн æмæ куыстæн
Хохы Санибайы æмæ Махческы кусын райдыдтой бастдзинады бындурон станцæтæ. Уый тыххæй йæ телеграм-каналы фехъусын кодта Цæгат Ирыстоны сæргълæууæг Сергей Меняйло.
Бынæттон цæрджытæн сæ бон у ныр пайда кæнын хæрзхъæд мобилон интернетæй, фылдæр гæнæнтæ ис ахуырæн æмæ куыстæн. Фæлæ сæйрагдæр та у, ныр сын æдзух кæй уыдзæн бастдзинад сæ хæстæджытимæ. Республикæйы сæргълæууæджы ныхæстæм гæсгæ, нырыккон инфраструктурæ арæзт цæуы нацпроект «Нымæцон экономикæ»-йы программæмæ гæсгæ. Хæрзхъæд бастдзинадмæ æмæ интернетмæ ныридæгæн баиу кодтой Дæллаг Ларс, Хъобан, Дзынагъа, Тельманы поселок. Уыдоныл республикæйы цæрджытæ схъæлæс кодтой паддзахадон лæггæдты порталы. Проект дарддæр æххæстгонд цæудзæн ног азы дæр, нырыккон инфраструктурæ кæм нæма ис, уыцы хъæуты.
