16 января 2026, 10:34
Хоры æмæ вокалон коллективты Æппæтуæрæсеон конкурсты регионалон къæпхæн арæзт æрцыд Дзæуджыхъæуы
Кадджын музыкалон мадзалы архайдтой 16 хуыздæр коллективы республикæйы алы районтæй
Хоры æмæ вокалон коллективты Æппæтуæрæсеон конкурсты регионалон къæпхæн арæзт æрцыд сывæллæтты сфæлдыстады республикон Галуаны. Кадджын музыкалон мадзалы архайдтой 16 хуыздæр коллективы республикæйы алы районтæй. Адих сæ кодтой 3 кары категорийыл. Конкурс арæзт цæуы Уæрæсейы рухстауынады æмæ Цæгат Ирыстоны ахуырады министрадты хъæппæрисæй. Хицæнæй радих кодтой номинацитæ: «Мæ бæстæйы зарджытæ», «Фыццæгты змæлд» æмæ Владимир Шаинскиимæ баст номинаци. Конкурс саразджыты хъуыдымæ гæсгæ, афæдзæй-афæдзмæ æвзонг музыкантты фæлтæрддзинад кæны фылдæр æмæ парахатдæр.
темæмæ гæсгæ
