18 августа 2021, 13:46
Ӕхсæнад «Ирыстоны патриоттæ» сарæзта номарæн мадзал
17-æм августы 1977-æм азы ныфсхаст Кучиты Юрийы атомон ихсæттæн нау бахæццæ Цæгатаг полюсмæ
Дидинджытæ мраморыл, æмæ мысинæгтæ… Республикæйы национ наукон библиотекæйы территорийы, Кучиты Юрийы цыртдзæвæны раз æрæмбырд сты адæм. Æмæ хуымæтæджы нæ. 17-æм августы 1977-æм азы ныфсхаст капитаны атомон ихсæттæн нау бахæццæ Цæгатаг полюсмæ. 44 азы фæстæ ахуырадон æхсæнад «Ирыстоны патриоттæ» уый фæдыл сарæзта номарæн мадзал. Æхсæнад «Ирыстоны патриоттæ» арæзт æрцыд Цæгат Ирыстоны ахуырады кусджыты профцæдисы республикон комитеты бындурыл. Мадзалмæ хуынд æрцыдысты Кучиты мыггаджы минæвæрттæ. Уыдон зæрдиагæй дзырдтой сæ хъуыдытæ æмæ мысинæгтæ сæ зындгонд капитаны тыххæй.
темæмæ гæсгæ
