58-æм æфсады рæнхъытыл бафтыд сиддонтæ Уæрæсейы алы регионтæй
Хуссар æфсæддон зылды æфсæддон хайæдты æмæ иугондты кадджын уавæры ард бахордтой уалдзыгон æрсидты архайджытæ. 58-æм æфсады рæнхъытыл бафтыд сиддонтæ Уæрæсейы алы регионтæй. Кадджын мадзалы архайдтой лæппуты хæстæджытæ, æфсæдон хайады разамынд, иугонды ветерантæ æмæ дины минæвæрттæ. Ацы цаумæ сиддонтæ 3 мæйы цæттæ кодтой сæхи. Ацыдысты æрыгон хæстоны курс – фыццагон профессионалон ахуырад. Уымæ хауынц спортивон, рæнхъон, мысанæхсæн æмæ сæрмагонд цæттæдзинад, стæй Уæрæсейы Федерацийы æфсæддон уставтæ, закъæттæ æмæ нормативон-барадон акттæ ахуыр кæнын. Мадзалы кæронбæттæны командæгæнджытæ сæмбæлдысты лæппуты ныййарджытимæ. Радтой сын дзуæппытæ сæ фæрстытæн. Уый фæстæ бабæрæг кодтой æфсæддон хайады къазармæ æмæ хæрæндон, федтой æфсæддонты уавæртæ.
