Сæ фæлтæрддзинадыл æфтыдтой танктыл цæуынæй æмæ алыхуызон хæцæнгарзæй мысан æхсынæй
Хуссар æфсæддон зылды мысанæхсæн хайады 100 сиддонæй фылдæр архайдтой сæрмагонд ахуырты. Сæ фæлтæрддзинадыл æфтыдтой танктыл цæуынæй æмæ алыхуызон хæцæнгарзæй мысан æхсынæй. Ахуыртæ цыдысты Волгограды облæсты полигон Прудбойы.
Æрыгон æфсæддонтæ ма сæ арæхстдзинад æвдыстой гранаттæ æхсынæй æмæ танк Т-90-йы бынты цæуынæй. Хæстон машинæйы уæз у 40 тоннæйæ фылдæр. Фæлтæрæнтæ фадат дæттынц ацы тохы сусæгдзинæдтæ базонынæн. Уæвгæ танктыл цæуын у иумæйагæфсæддон цæттæдзинады кæронбæттæн къæпхæн, æмæ йæ хъуамæ ацæуой æппæт сиддонтæ. Ахуырты рæстæг ма службæгæнджытимæ арæзт æрцыд тренировкæ, хæцæнгарз æмбырд кæнынæй æмæ райхалынæй., противогаз скæнынæй, æфсæддон уавæрты хæринаг кæнынæй æмæ ма æндæр хъуыддæгтæй. Ацы ахуыры аз фыццаг радиотренировкæ ацыдысты иумæйаг æфсады Цæгат Кавказы бастдзинады кусджытæ дæр. Хуссар æфсæддон зылды специалисттæ афтæмæй сфидар кодтой æнæрлæугæ бастдзинад æфсæддон хæйтты æмæ сæрмагонд пунктты хсæн, стæй ма Хуссар Ирыстоны æфсæддон базæимæ дæр. Бастдзинады 500 кусæджы сæвæрдтой сæрмагонд техникæ, сарæзтой ма видеоконференци дæр. Æдæппæтæй ахуырты архайдтой 400 техникæйы хуызы. Сты нырыккон комплекстæ, бастдзинады пункттæ, спутникон станцæтæ æмæ æндæр сæрмагонд техникæ.
