01 апреля 2022, 11:27
Хуссар Ирыстон хæстæгдæр рæстæг бацархайдзæн Уæрæсейы хыгъдмæ бацæуыныл
Уый тыххæй фехъусын кодта Бибылты Анатолий
Хуссар Ирыстон хæстæгдæр рæстæг бацархайдзæн Уæрæсейы хыгъдмæ бацæуыныл. Уый тыххæй фехъусын кодта Бибылты Анатолий. Йæ раныхасы президент загъта, Уырысы дуне ныртæккæ нацизмы ныхмæ кæй тох кæны. Зæрдыл æрлæууын кодта, 2008-æм азы цаутæ дæр. Уæд Уæрæсе бахъахъхъæдта ирон адæмы æмæ банымадта республикæйы хæдбардзинад. Сергей Меняйло дæр хорзыл банымадта Хуссар Ирыстоны фæндон. Йæ телеграмм-каналы ныффыста, Цæгат æмæ Хуссар Ирыстоны цæрджытæ сæ бастдзинад никуы фесæфтой, сты иу адæм, иу культурæ, æвзаг æмæ традицитимæ. Алы историон рæстæджыты административон арæнтæ дихгонд æрцыдысты, фæлæ уый нæ фæзынди адæмы иудзинадыл.
