Бæрæгбоны мадзæлттæ ацыдысты Цхинвалы. Архайдта дзы Цæгат Ирыстоны делегаци дæр, йæ сæргъы Битарты Вячеслав, афтæмæй
Хуссар Ирыстон сбæрæг кодта йæ хæдбардзинады 11-æм аз. Бæрæгбоны мадзæлттæ ацыдысты Цхинвалы. Архайдта дзы Цæгат Ирыстоны делегаци дæр, йæ сæргъы Битарты Вячеслав, афтæмæй. Паддзахадон киноконцертон зал «Чермен»-ы нæ республикæйы разамонæг арфæ ракодта се ппæтæн дæр, куыд загъта, афтæмæй Цæгат Ирыстон кæдфæндыдæр бахъуаджы рæстæг уыдзæни æфсымæрон республикæйы цур. Йæ зæрдæ сын загъта æнæниздзианд, сабырдзинад, æмæ бирæ æнтыстытæ. Хуссар Ирыстоны Президент Бибылты Анатолий дæр йæхи рдыгæй фæнысан кодта, цæгатаг адæмы бирæ зындзинæдты сæрты ахизын кæй бахъуыди, цæмæй абон сæрибар æмæ хæдбар уой, уый тыххæй. Бæрæгбоны мадзæлтты фидауц уыди стыр этнографион равдыст «Рагфыдæлты бынтæ». Кадджын уазджытæ аргъ скодтой бынæттон нывгæнджыты æмæ къухдæсныты уацмыстæн, стæй национ хæринæгтæн, уыдон та равæрдтой республикæйы районты кæртыты. Куыд зонæм, афтæмæй 2008-æм азы, 8-æм августы Хуссар Ирыстонмæ æрбабырстой Гуырдзыстоны æфсæдтæ. Уæрæсе æрлæууыди сабыр цæрæг адæмы фарсмæ. 5 бонмæ фæмарди мин адæймагæй фылдæр. 26-æм августы Уæрæсе Хуссар Ирыстоны банымадта хæдбарыл, 9-æм сентябры та банывыл кодтой дипломатон ахастдзинæдтæ.
