Хуссар Ирыстоны дæрддзæф районтæй иу Ленингормæ ног фæндаг байгом кæнынмæ бынæттон цæрджытæ рагæй æнхъæлмæ кастысты.
Нырæй фæстæмæ йæм хъæуы сахат æмæ рдæг цæуын.
Хуссар Ирыстоны дæрддзæф районтæй иу Ленингормæ ног фæндаг байгом кæнынмæ бынæттон цæрджытæ рагæй æнхъæлмæ кастысты.
Нырæй фæстæмæ йæм хъæуы сахат æмæ рдæг
цæуын. Раздар та-иу ыл цыдысты æнæхъæн бон. Æвзæр боныхъæд-иу куы уыди,
уæд та-иу Ленингормæ уæвгæ дæр нæ бахæццæ сты.
Хуссар Ирыстоны иннæ район Дзау. Зын
бауырнæн у, фæлæ ам сывæллæтты рæвдауæндон цы у, уый зонгæ дæр нæ
кодтой. Бирæ азты сабитæ цыдысты кæлæддзаг бæстыхаймæ. Нæ дзы дон уыди,
нæ газ, нæ хъарм. Ныр дзы сарæзтой нырыккон рæвдауæндон.
Хуссар Ирыстон сæрбæрзонд кæмæй у, уыцы
паддзахадон ансамбль «Симд» кæддæр хъуыстгонд уыди канд нæ бæстæйы нæ,
фæлæ Европæйы дæр. Фæстаг азты коллектив репетицитæ кодта кинотеатры
зæронд бæстыхайы. Абон «Симд» бацыд нырыккон комплексмæ. Арæзт сын æрцыд
æппæт фадæттæ дæр. Æмæ ныр кафджытæ фæнд кæнынц ансамблы раздæры кад
раздахын. Хуссар Ирыстоны æппæт арæзтадон куыстытæ конд цæуынц Уæрæсейы
æххуысæй. Уымæн æмæ сæхи бюджеты ахæм ахцатæ нæй. 2008-æм азы августы
фæстæ республикæ сног кæнынмæ рæвдз бавнæлдтой, фæлæ 2009-æм азы
куыстытæ æрлæууыдысты. Бирæ бинонтæн сæ бон нæ уыд ног хæдзæрттæм
балидзын. Ныр уавæр аивта. Иуæй-иу хæдзæрттæ хъæуы ногæй аразын, уымæн
æмæ арæзтадон компанитæ сæ хæстæ хорз не ххæст кодтой. 20 азы æфсæддон
быцæуы цы республикæ царди, уым, кæй зæгъын æй хъæуы, æрлæууыд
промышленность, хъæууон хæдзарад, туризм. Ныр уыцы къабæзтæ сног кæнынæн
арæзт цæуынц проекттæ. Уымæй дарддæр рæхджы Уæрæсеимæ фыст æрцæудзæн
базарады бадзырд. Хуссар Ирыстонмæ ис политикон хæдбардзинад, фæлæ ма сæ
хъæуы сæ экономикæйыл бакусын дæр.
