филиал вгтрк государственная телерадиовещательная компания “Алания”

Хуссар Ирыстоны паддзахадон драмон театры труппæ Ирон Академион театры сценæйы равдыста спектакль «Дон Жуан». Йæ режиссер у Джелыты Хъазыбег. Премьерæ æнтыстджынæй равдыстой Цхинвалы июны райдиан. Дыууæвæрсыг гастрольтæ сæххæст кæныныл, сфæлдыстадон коллективтæ баныхас кодтой сæрды. Дзæуджыхъæуккаг артисттæ 22-æм сентябры хуссарирыстойнаг сценæйы равдыстой спектакль «Ричард III». Йæ режиссер-æвæрæг у Уалыты Гиви. 14-æм октябры та – Хетæгкаты Къостайы райгуырæн бонмæ Цхинвалы æмæ Дзæуджыхъæуы уыцы-иу рæстæг æвдисдзысты спектакльтæ. Цæгатирыстойнаг труппæ Цхинвалы равдисдзæн спектакль «Фатимæ», хуссарирыстойнаг артисттæ та Дзæуджыхъæуы равдисынмæ бацæттæ кæндзысты постановкæ «Къоста». Йæ автор у Роман Габриа.