филиал вгтрк государственная телерадиовещательная компания “Алания”

Ног ахуыры азы агъоммæ дзы байгом 3 скъолайы: Цхинвалы, Хетæгкаты хъæуы æмæ хæххон хъæутæй иуы. Цхинвалы гимназ «Альбионы» 1-æм сентябры «æгасцуай» загътой 352 скъоладзауæн. Ацы скъола арæзт æрцыд 50 азы размæ. 2008-æм азы августы цауты рæстæг хæлд æрцыд. Фæлæ йæ ацы азы сентябрьмæ УФ-йы хицауады æххуысæй бындуронæй сцалцæг кодтой. Хетæгкаты хъæуы кæлæддзаг скъолайы бæстыхай кæй сцалцæг кодтой, ууыл бынæттон цæрджытæ тынг цин кæнынц. Хæххон хъæу Бикары та скъола уæвгæ дæр никуы уыд. Стыр бузныг сты, ацы аз сын ахæм стыр лæвар кæй скодтой, уымæй. Цин кæнынц, сывæллæтты иннæ хъæутæм цæуын кæй нал хъæуы, ууыл дæр. Ахуыр дзы кæндзæн 30 сывæллоны.