Самарæйы облæсты адæмты Цæдисы регионалон æхсæнадон организацийы сæрдар
Мæскуыйы бахыгътой этнокультурон рæзты æмæ Уæрæсейы адæмы хæттыты хсæн хæлар ахстдзинæдтæ парахат кæнынмæ хи æвæрæн бахæссыны 2-æм æппæтуæрæсеон æхсæнадон преми «Гордость нации»-йы хатдзæгтæ. Номинацитæй иу «Нациты хсæн ахастдзинæдты къабазы хуыздæр национ-культурон проект»-ы тыххæй премийы аккаг сси Хуыгаты Ростислав. У Самарæйы облæсты адæмты Цæдисы регионалон æхсæнадон организацийы сæрдар. Уæ зæрдыл уын æрлæууын кæндзыстæм, Хуыгаты Ростиславы хъæппæрисæй Самарæйы арæзт æрцыди адæмты хæлардзинады Парк. Уникалон архитектурон ансамбль конд у 20 националон хæдзарæй æмæ кæртæй, æвдыст дзы цæуынц, ацы облæсты чи цæры, уыцы адæмты культурæ æмæ æгъдæуттæ. Объекты территорийы ис ирон хæдзар дæр. Ирон кæрты арæзтадæн æрдзон дуртæ сæмбырд кодтой Хуссар Ирыстоны хæххон цæугæдæтты.