филиал вгтрк государственная телерадиовещательная компания “Алания”

08:52 воскресенье, 13 июля 2025
17 октября 2013, 11:15
Хуыздæр æмæ æвзæрдæр разамонæг компани равзæрстой Дзæуджыхъæуы

2-æм цæрæн-арæзтадон кооперативæн разамынд дæтты Остъаты Георгий. Куыд зæгъы, афтæмæй ацы къабазы куыст æнцон нæу, фæлæ æнæзæрдæхудт архайды руаджы ис æппæт хæстæ дæр афойнадыл æххæст кæнæн.

Горæты администрацийы хъæпæрисæй арзт æрцыд конкурс. Бæрæг кодтой бирæуæладзыгон хæдзæртты разамонæг компанитæ сæ хæстæ куыд æххæст кæнынц уый. Кастысты бæстыхæйттæм, бæрæг сын кодтой сæ уавæр, стæй ныхас кодтой цæрджытимæ, цы фиппаинæгтæ сæм ис, уыцы фарстатыл. Конкурс се ппæт компаниты сразæнгард кæндзæн хуыздæр куснымæ, зæгъынц администрацийы специалисттæ.

Бирæуæрадзыгон хæдзары уавæрмæ цæст дарын, йæ алфамблаймæ зилын, æппæт коммникациты уавæр бæрæг кæнын æмæ сæ бахъуаджы сахат сцалцæг кæнын. Ацы хæстæ куыд æмбæлы афтæ æххæст кæнынц 2-æм цæрæн-арæзтадон кооперативы специалисттæ. Уымæ гæсгæ Дзæуджыхъæуы администраци цы конкурс расидт, уым нымад æрцыд хуыздæрыл. Куыстуат лæггад кæны 45 бирæуæладзыгон хæдзарæн. Весеннийы уынджы 1-æм хæдзары цæрджытæ ныр тынг разы сты сæ разамонæг компанийы архайдæй.

Весеннийы уынджы 15-æм хæдзары цæрджытæ дæр ныр сты ацы разамонæг компанийы бæрны. Раздæр сын цы куыстуат лæггад кодта, уымæй разы нæ уыдысты, фæлæ ныр 398 фатерон бæстыхайы уавæр хорзырдæм ивы.

2-æм цæрæн-арæзтадон кооперативæн разамынд дæтты Остъаты Георгий. Куыд зæгъы, афтæмæй ацы къабазы куыст æнцон нæу, фæлæ æнæзæрдæхудт архайды руаджы ис æппæт хæстæ дæр афойнадыл æххæст кæнæн.

Разамонæг компаниты куыст бæрæг кæнынц цæрæнуæтты инспекци, стæй Дзæуджыхъæуы администраци. Куыст, куыд æмбæлы, афтæ æххæстгонд куы нæ цæуа, уæд цæрджыты фæндонмæ гæсгæ ис равзарæн ног разамонæг компани.

Сабырдзинады проспекты 8-æм хæдзары разамонæг компани «Сæрмæт»-ы архайд та конкурсы бæрæггæнæнтæм гæсгæ нымад æрцыд æвзæрыл. Цæрджытæ куыд зæгъынц, афтæмæй хæдзар амад æрцыд 1936-æм азы. Ис дзы хъæдын хайвантæ, уæд бæстыхайы сæр дæр ивд никуы уыд. Сæ разамонæг компанийы куыст зæрдæмæдзæугæ кæй нæ у, уый тыххæй бирæтæ æхца дæр нал фыстой.

Разамонæг компаниимæ цæрджытæ бадзырд куы кæной, уæд хъуамæ лæмбынæгæй сæ цæст æрдарой, цы лæггæдтæ сын хъуамæ кæна, уыцы фарстамæ. Стæй æппæт куыстытæ домæн ис æрмæст уæд, се ппæт цæрджытæ дæр куыд æмбæлы, афтæ куы фидой, уæд.

Конкурсæн ис стыр ахадындзинад, зæгъынц Дзæуджыхъæуы администрацийы кусджытæ. Кæрæдзиимæ ерыс кæнгæйæ разамонæг компанитæ архайдзысты сæ куыстыты хæрзхъæддзинадыл. Уый та пайда уыдзæн бирæуæладзыгон хæдзæртты цæрджытæн.

темæмæ гæсгæ
vgtrk_alania
vgtrk_alania
vgtrk_alania
vgtrk_alania