15 ноября 2013, 14:09
Хуызистыты æрвылазон конкурс «Просвет»-æн скодтой хатдзæгтæ
Сфæлдыстадон ерысы архайдтой 60 адæймагæй фылдæр. Сты профессионалтæ, къамтæ исын чи уарзы, стæй ацы аивадæн стыр аргъ чи кæны, уыдон. Сæ куыстытæ равдыстой 5 номинацийы:
Сфæлдыстадон ерысы архайдтой 60 адæймагæй фылдæр. Сты профессионалтæ, къамтæ исын чи уарзы, стæй ацы аивадæн стыр аргъ чи кæны, уыдон. Сæ куыстытæ равдыстой 5 номинацийы: портрет, пейзаж, репортаж, фото-арт æмæ къамты æндæр хуызтæ. Жюрийы уæнгтæ куыд загътой, афтæмæй уый бæрц куыстыты *хсæн хуыздæртæ равзарын æнцон нæ уыд. Фæлæ уæддæр уæлахиздзауты сбæрæг кодтой – алы номинацийы дæр фæйнæ 3 адæймаджы. Дипломтæ сын радтой республикæйы фæсивæды хъуыддæгты, физкультурæйы æмæ спорты министр Челæхсаты Рустем, стæй жюрийы минæвар – Уæрæсейы кинематографистты уæнг Ирина Белова.
Хлойты Батраз, конкурсы архайæг: «Ацы конкурс тынг хъæуы, цæмæй фæсивæдæн уа, сæ къамтæ равдисыны фадат. Мæхæдæг фыццаг хатт архайын ацы конкурсы, æмæ мын æхсызгон у, æртыккаг бынат тынг кæй бацахстон, уый».
Хлойты Батраз, конкурсы архайæг: «Ацы конкурс тынг хъæуы, цæмæй фæсивæдæн уа, сæ къамтæ равдисыны фадат. Мæхæдæг фыццаг хатт архайын ацы конкурсы, æмæ мын æхсызгон у, æртыккаг бынат тынг кæй бацахстон, уый».
темæмæ гæсгæ
