Фыццаг коллекци æмбырд кæнын райдыдта æнæнхъæлæджы.
Мæздæджы пъæлицæйы кусджытæ æмæ профилактикæйы субъектты специалисттæ алыхуызон профилактикон хыгъдты чи лæууы, ахæм сывæллæтты æрбахуыдтой Хъызлары бæстæзонæн музеймæ экскурсимæ. Музейыл цæуы 40 азмæ хæстæг. Фыццаг коллекци æмбырд кæнын райдыдта æнæнхъæлæджы. Уымæй фæстæмæ, сси бинонты хорз традици. Абон музейы ис мин экспонатæй фылдæр. Ис дзы «Æфсæддон намыс»-ы, «Афганистан»-ы æмæ æндæр историон къуымтæ. Ам ссарæн ис, æппæт ныхмæлæуддзинæдтæ æмæ райгуырæн бæстæ бахъахъхъæныны тыххæй хæстыты чи архайдта, уыцы адæмы тыххæй информаци. Хицæн ныхасы аккаг у, Фыдыбæстæйы Стыр хæсты советон адæм цы хъæбатырдзинад равдыстой, уый тыххæй бæстон информаци. Музеймæ æппæты кæстæр æрбацæуджытæн радзырдтой экспонатты тыххæй. Сывæллæттæ уæлдай цымыдисагдæрæй хъуыстой Терскы æфцæджы æркъæхтыты тыххæй лекцимæ. Агуырджытæ бацархайдтой сабитæм патриотон æнкъарæнтæ райгуырын кæныныл. Æвзонг агурджыты къорд æркъæхтыты архайы дыууæ азæй фылдæр.
