Ерысты архайдзысты 5 командæйы: нæ республикæйæ -«Алайнаг стайтæ», Стъараполы минæвæрттæ æмæ Новочеркасскы æвзонг хоккеисттæ
Ихын фæз «Тагбан»-ы райдыдтой Хуссар æмæ Цæгат Кавказы федералон зылды ерыстæ хоккейæ, 12 азы онг кæуыл цæуы, ахæм сывæллæтты хсæн. Хъæзтытæ цæудзысты 7-æмæй 11-æм ноябрьмæ. Ацы цау суыдзæни регионы сывæллæтты хоккейы рæзтæн ахадгæ къахдзæф. Ерысты архайдзысты 5 командæйы: нæ республикæйæ -«Алайнаг стайтæ», Стъараполы минæвæрттæ æмæ Новочеркасскы æвзонг хоккеисттæ. Командæттæ ахъаздзысты 10 хъазты. Ерыстæ аразджытæ куыд зæгъынц, афтæмæй турниры ацы къæпхæны архайджытæ се ппæт дæр сты иттæг хорз цæттæ, уымæ гæсгæ мадзал уыдзæни цымыдисаг, алкæмæн дæр дзы ис иу хуызæн фадаттæ фыццаг бынат райсынмæ. Спортуарзджытæн та сæ бон у æрбацæуын æмæ æвзонг спортсменты сразæнград кæнын. Бацæуæн у лæвар.
