филиал вгтрк государственная телерадиовещательная компания “Алания”

«Фæсарæйнаг бæстæтæ Уæрæсейы ныхмæ алыхузон санкцитæ кæй сфидар кодтой, уымæ дарддæр æнцад кæсæн нал ис» – загъта УФ-йы премьер-министр Дмитрий Медведев. 

Цы уынаффæ рахаста, уымæ гæсгæ Евроцæдисы бæстæтæй, Америкæйæ, Канадæйæ, Норвегийæ, Австралийæ æмæ æндæр бæстæтæй Уæрæсемæ нал ис ласæн стуры æмæ хуыйы дзидза, карчы фыд, кæсаг, денджызон цæрæгойты фыд, дыргътæ æмæ халсартæ, æхсыр æмæ æхсыры продукттæ, цыхтытæ æмæ æндæр хойрæгтæ. Номхыгъд æнæхъæнæй бакæсæн ис УФ-йы хицауады официалон сайты. 

Санкцитæ фидаргонд æрцыдысты афæдзмæ. Кæд фæсарæйнаг бæстæтæ сæхи æндæр хуызы дарын райдайой, уæд Уæрæсе дæр, гæнæн ис, æмæ фæцыбырдæр кæна эмбаргойы рæстæг. 

Дмитрий Медведев хицауады уæнгтæн бабар кодта, уынаффæ куыд æххæстгонд цæуы, уымæ сæ цæст дарын. Промышленносты, базарады, хъæууон хæдзарады, экономикон рæзты министрадты æмæ монополиты ныхмæ службæйы кусджыты раз та сæвæрдта бæлвырд хæс – æргътæм цæст дарын æмæ сæ рæзын ма руадзын. Карз тох цæудзæн ацы уавæрты сæудæджергæнæн митæ чи кæна, уыдонимæ.