Национ проекттæ царды уадзыны фæрцы, Цæгат Ирыстон дарддæр ивы хуыздæрырдæм
Инфраструктурæйы рæзт, социалон къабазы рацарæзт, ахуырадæн, æнæниздзинадæн æмæ амалхъомдзинадæн æххуыс. Национ проекттæ царды уадзыны фæрцы, Цæгат Ирыстон дарддæр ивы хуыздæрырдæм. Фæстаг азты нæ республикæйы фæзындысты ног скъолатæ, фæндæгтæ æмæ нырыккон медицинон куыстуæттæ. Уымæн радих кодтой 57 миллиард сомы. Куыд ивы нæ регион, уый тыххæй радзурдзæн Чехойты Фатимæ.
Ног скъолатæ æмæ сывæллæтты рæвдауæндæттæ, цалцæггонд рынчындæттæ, ног арæзт фæндæгтæ… Фæстаг азты республикæ тынг райрæзт. Уый у, национ проекттæ æнтыстджынæй кæй æххæстгонд цæуынц, уый æвдисæн.
2019 -æм 2024-æм азты дæргъы национ проектты руаджы, Цæгат Ирыстоны рæзтæн цы *хцайы фæрæзтæ дихгонд цыдысты, уыдон иумæйагæй уыдысты 57 миллиард сомы. Ивддзинæдтæ ис алы къабазы дæр. Зæгъæм, ахуырады системæйы æрмæст скъолатæ æмæ сывæллæтты рæвдауæндæттæ цалцæггонд не *рцыдысты – фæзынд дзы бирæ ногдзинæдтæ.
Уæлдай цæстæнгас дард цæуы республикæйы сæйраг горæты æмæ районты ахсджиагдæр фарстатæм. Уыцы хæс æххæст кæнынæн ис сæрмагонд национ проект.
Национ проекттæ хорзырдæм ахадынц республикæйы рæзтыл. Егъау куыст æрцыд фæндаггон æмæ цæрæнуæтты коммуналон хæдзарæдты.
Национ проекттæ хорзырдæм фæбæрæг сты адæмы æнæниздзинад хъахъхъæнынадыл. Медицинон куыстуæтты скодтой бындурон цалцæг, ногтæ арæзт æрцыдысты республикæйы алы рæтты. Сæйраг хæс уыд – æнцонвадат царды уавæртæ саразын æппæты чысыл хъæуты дæр.
Ныртæккæ Цæгат Ирыстон архайы 12 ног национ проекты. Фидæнмæ – бирæ куыст. Республикæ йæм цæттæ у.
