филиал вгтрк государственная телерадиовещательная компания “Алания”

Иннæ азы куысты пълан сфидар кодта республикæйы æхсæнадон палатæ. Раздæрау йæ сæйрагдæр хæс уыдзæн бæрнон оргæнты куыстмæ цæст дарын æмæ адæмы бартæ æххæст кæнын. Сæ пъланы нысангонд сты фембæлдтытæ, æмбырдтæ, рейдтæ. Палатæйы уæнгтæ экспертизæ кæндзысты, æхсæнадон нысаниуæг кæмæн ис, уыцы закъоны проекттæн. Пленарон æмбырды ма равзæрстой Уæрæсейы æхсæнадон палатæмæ делегаты. Тускъаты Таймуразы бæсты уыцы бынат бацахста Лæгкуты Вячеслав.

СНХ: Бокойты Эльбрус, РЦИ-Аланийы æхсæнадон палатæйы секретарь: «Ныры онг дæр нæ цæст дардтам æнæниздзинадхъахъхъæнынады фарстатæм, ахуырады фарстатæм, экологийы фарстатæм. Дарддæр дæр уыдоныл архайдзыстæм. Нæ цæст дардзыстæм, бирæ бартæ кæмæн радтой, уыдоны куыст куыд цæуы».