21 ноября 2014, 15:06
Интерактивон фæйнæгæй пайда кæнын æмæ йæ презентаци ирон æвзагыл
Ирон взаг æмæ литературæйы урокты нырæй фæстæмæ пайда кæндзысты нырыккон технологитæй. Ахуыргæнджыты зонындзинæдтæ фылдæргæнæн институты хорзæхгонд æрцыдысты ирон æвзаг æмæ литературæйы ахуыргæнджытæ.
Интерактивон фæйнæгæй пайда кæнын æмæ йæ презентаци ирон æвзагыл. Ирон взаг æмæ литературæйы урокты нырæй фæстæмæ пайда кæндзысты нырыккон технологитæй. Ахуыргæнджыты зонындзинæдтæ фылдæргæнæн институты хорзæхгонд æрцыдысты ирон æвзаг æмæ литературæйы ахуыргæнджытæ. Æдæппæтæй фарастæй, республикæйы алы скъолатæй. Уæлахиздзаутæн дипломтæ кадджын уавæры радтой ахуырады æмæ наукæйы министры хæдивæг Тотраты Владислав æмæ ахуырады кусджыты профцæдисты сæрдар Тезиаты Таймураз. Конкурс цыди æртæ къæпхæнæй. Фыццаджы ахуыргæнджытæ презентации кодтой сæ урокты цы нырыккон технологитæй пайда кæнынц, уыдон. Дыккаджы æвдыстой дæсныйадæвдисæг ахуыртæ. 15 минутмæ хъуамæ радзырдтаиккой, сæ уарокты сæйрагдæр хъуыды. Æртыккаг къæпхæн та – профцæдисты фæрстытæн дзуапп дæттын. Фыццаг бынаты аккаг сси Хетæгкаты Къостайы номыл 13-æм скъолайы ирон æвзаг æмæ литературæйы ахуыргæнæг Бигъаты Дианæ. Йæхæдæг куыд зæгъы, афтæмæй йын конкурс рамбулын уыди тынг æхсызгон.
темæмæ гæсгæ
