Видеоролик рацыд, Сергей Бодровы амæлæты 19-æм азы бонмæ
Интернеты фæзынди, документалон киноныв «Нас других не будет»-ы фыццаг трейлер. Видеоролик рацыд, Сергей Бодровы амæлæты 19-æм азы бонмæ. Уый йæ киноисæн къордимæ фæмард 20-æм сентябры 2002-æм азы Хъæрмæдоны. Документалист Петр Шепотинникы кинолентæйы актеры æмбæлттæ æмæ мкусджытæ дзурынц йæ цард æмæ сфæлдыстады тыххæй. Кинохроникæтæ та равдисдзысты артисты цард, куыд хуымæтæг адæймаджы. Цавæр ахастдзинæдтæ йын уыди йæ алфамбылай адæмимæ, куыд царди æмæ куыд куыста, уый. Кинолентæмæ хаст æрцыдысты архивон кадртæ съемкæтæй, сфæлдыстадон кусджыты мысинæгтæ, продюсер Сергей Сельяновы интервью, стæй, кæй зæгъын æй хъæуы, Сергей Бодровæн йæхи ныхæстæ. Се нкъарæнтæ нæ бавгъау кодтой аивадон кинонывтæ «Брат» æмæ «Брат-2″-йы режиссер Алексей Балабанов, стæй композитор æмæ зарæггæнæг Вячеслав Бутусов. Документалон киноныв фыццаг хатт равдыстой Сочийы, 32-æм кинофестиваль «Кинотавр» гом кæнгæйæ. Лентæ «Нас других не будет» уæрæсейаг прокаты рацæудзæн 7-æм октябры.
