филиал вгтрк государственная телерадиовещательная компания “Алания”

Инвалид хæстæджытæ кæмæн ис, æмæ сæм хæдзары чи кæсы, уыдонæн сæ бон уыдзæн социалон гарантитæ исын. Уый тыххæй федералон закъоны проект хорзыл банымадтой абон Парламенты Советы æмбырды. Рынчынтæм чи зилы, уыдон семæ вæййынц дзæвгар рæстæг. Афтæмæй сын фадат нæ вæййы сæхи дарынæн æхца кусынæн. Закъон куы сфидар кæной, уæд ацы категорийы адæмæн сæ куысты тыххæй фиддзысты æхца. Депутаттæ ма æрдзырдтой, «Цæрæгойтыл ауыдыны тыххæй» республикон закъоныл. Цы ивддзинæдтæ хаст æрцæудзысты, уыдонмæ гæсгæ хæдзарон цæрæгойтимæ тезгъо кæнæн уыдзæн сæрмагонд бынæтты, стæй хъуамæ æххæст уой æдасдзинады фæрæзтæй.