Коляскæты æххуысæй чи цæуы, уыцы инвалидтæн æнцон бахизæн кæдæм уа, ахæм 5 автобусы райстой горæты администраци, стæй фæллойы æмæ социалон рæзты министрад.
Сæрмагонд гомгæнгæ конструкцийы фæрцы коляскæ æнцонтæй бацæуы машинæйы салонмæ. Гуриаты Аслан фæлвары, ног машинæ цас ахадгæ у, уый. Куыд зæгъы, афтæмæй йе нæниздзинад хъыгдард кæмæн у, фæлæ кусын æмæ æххæст цардæй цæрын кæй фæнды, уыцы адæмæн ног машинæтæ сты, куыд фæзæгъынц, «дунемæ гом дуæртты» хуызæн.
Фæллойы æмæ социалон рæзты министрады сæрмагонд транспорты парк фæфылдæр уыдзæн 2 «Форд» микроавтобусæй. Фидаргонд уыдзысты социалон лæггæдты центрытæм. Ласдзысты колясочниктæ кæй хонынц, уыдоны, костыльтыл чи цæуы æмæ æндæр къордты инвалидты.
Æртæ ног «ПАЗ»-æй дæгъæлтæ вице-прмьер Челæхсаты Рустем радта норæты администрацийæн дæр. Автобустæ Дзæуджыхъæуы цæудзысты цалдæр маршрутыл.
Автобустæ конд сты бæлццæттæн æнцон схизæн куыд уа, афтæ. Æххæстгонд дзы сты æдасдзинады домæтнæ. Цалынмæ дуар сæхгæна, уæдмæ машинæ йæ бынатæй нæ базмæлдзæн.
Ацы æхсæнадон транспорт æрмæст колясочниктæн нæу, сæ бон дзы пайда кæнын у æвзæр чи уыны, уыдонæн дæр. æнцон пайда кæнæн хæцæнæ, бынноз æрлæууæн, стæй сæрмагонд æрхæцæн, шофырæн фехъусын кæны цæмæйавтобус баурома.
Машинæтæй сифтонг кæныныл архайда промышленносты æмæ транспорон политикæйы министрад. Æмæ сыл хардзгонд æрцыди 13 милуаны æмæ æрдæг.
Æлхæд æрцыдысты программæ «Доступная среда» æххæстгæнгæйæ. Хицауады сæрдары хæдивæг Челæхсаты Рустем куыд зæгъы, афтæмæй ма ацы аз нысан кæнынц 10 ахæм машинæйы балхæнын. Цæудзысты республикæйы алы районтæм, æмæ лæггад кæндзысты инвалид адæмæн.
Дзæуджыхъæуы маршруттыл цæуын та автобустæ райдайдзысты дыууæ къуырийы фæстæ.
