Цæгат Ирыстоны хицауады сæрдары хæдивæг Челæхсаты Рустем абон кадджын уавæры 3 ног автобус «ПАЗ»-ты дæгъæлтæ радта Дзæуджыхъæуы бынæттон администрацийæн.
Автобустæ ифтонггонд сты сæрмагод кусæнгæрзтæй. Схизæн сæм уыдзæн коляскæтыл цæуæг инвалидтæн. Машинæтæ балхæдта РЦИ-Аланийы промышленносты æмæ транспортон политикæйы министрад. Сæ аргъ у 13 милуаны 500 мин сомы.
Ацы аз та сæрмагонд автотранспорт балхæнынæн республикон æмæ федералон бюджеттæй радих кæндзысты фæйнæ 14 милуаны æмæ 500 мин сомы. Дыууæ къуырийы фæстæ, автобустæ рацæудзысты маршруттæм.
Хетæгкаты Хъазыбег, РЦИ-Аланийы промышленносты æмæ транспортон политикæйы министрады сæйраг консультант: «Мах цæ балхæдтам нæ адæмæн, рынчын чи у, уыдонæн. Цæмæй сæ бон уа кæдæм сæ фæнды, уырдæм æнæ искæй æххуысæй цæуын. Ацы автобусты ис ахæм техникæ æмæ дæлæмæ æрцæуы,цæмæй коляскæйыл чи у, уымæн йæ бон уа автобусмæ схизын. Стæй та фæстæмæ йæ бынатмæ ссæуы. Куыд мæм кæсы, афтæмæй сын ныр бирæ æнцондæр уыдзæн».
