Архайдтой дзы ирон эстрадæйы стъалытæ, сфæлдыстадон къордтæ, стæй се *нæниздзинад хъыгдард кæмæн у, уыцы чызджытæ æмæ лæппутæ
Инвалидты æппæтадæмон бонмæ фæсивæды республикон галуаны арæзт æрцыд хæрзаудæн концерт. Архайдтой дзы ирон эстрадæйы стъалытæ, сфæлдыстадон къордтæ, стæй се *нæниздзинад хъыгдард кæмæн у, уыцы чызджытæ æмæ лæппутæ. Концерты рæстæг инвалидтимæ чи кусы, æмæ сын чи æххуыс кæны, уыцы организациты минæвæрттæн æмæ адæмæн саккаг кодтой бузныджы фыстæджытæ. Мадзалы программæйы ма уыд спектаклы равдыст æмæ се *нæниздзинад хъыгдард кæмæн, уыцы сывæллæтты куыстыты равдыст. Хæрзаудæн концерт арæзт æрцыд фæсивæды хъуыддæгты фæдыл республикон комитеты, фæсивæды социализацийы центры æмæ æнæкоммерцион организаци «Арктур»-ы хъæппæрисæй.
