Советон цæдисы хъæбатырты ном ссардтой Дзæуджыхъæуы Намысы Аллейы, сæвæрдтой дзы дидинджытæ
Иосиф Сталины 140 азы, æмæ Тогъуызты Хъауырбеджы райгуырды 100 азы фæдыл республикæйы ветеранты Совет сарæзта номарæн мадзал. Советон цæдисы хъæбатырты ном ссардтой Дзæуджыхъæуы Намысы Аллейы, сæвæрдтой дзы дидинджытæ. Хистæр кары фæлтæримæ баиу сты ахуыргæнæндæтты хъомылгæнинæгтæ. Семæ æрбахастой веноктæ æм дидинджытæ. Ахæм иумæйаг мадзæлттæ аразын хъæуы, цæмæй кæстæр фæлтæр зоной нæ истори æмæ хæццæ кæной традицитæ. Намысы Аллейæйы фæстæ ветеранты Советы хæдзары ныхас цыд Сталин æмæ Тогъуызты Хъауырбеджы ахадындзинадыл нæ бæстæйы историйы. Стæй хатдзæгтæ скодтой сæ афæдзы куыстæй. Снысан кодтой фидæны фæтк. Сæ хæсыл нымайынц рæзгæ фæлтæримæ æмбæлын æмæ сын нæ историйы ахсджиаг цауты тыххæй дзурын.
