17 февраля 2026, 10:48
«Ирæттæ дипломатон службæйы» – ацы темæимæ баст наукон-практикон æмбырд арæзт æрцыд ЦИПУйы
Мадзал баст уыд дипломатон кусæджы æмæ уæрæсейаг наукæйы бонтимæ
«Ирæттæ дипломатон службæйы». Ацы темæимæ баст наукон-практикон æмбырд арæзт æрцыд Цæгат Ирыстоны паддзахадон университеты ЮНЕСКО-йы залы. Мадзал баст уыд дипломатон кусæджы æмæ уæрæсейаг наукæйы бонтимæ. Æмбырды архайдтой уæлдæр ахуыргæнæндоны студенттæ æмæ ахуыргæнджытæ, мидхъуыддæгты министрады минæвæрттæ, национ политикæйы æмæ æддагон бастдзинæдты министр Бæгъиаты Алан, Рахизфарсы районы æвзонг дипломатты клубы уæнгтæ, эксперттæ. Видеоконференцийы хуызы ма дзы архайдтой, Цæгат Ирыстоны номæй дипломатон кусджытæ. Зæгъæм, Габиты Зæринæ Уæрæсейы генералон консулæй кусы Сиднейы, Хъуыссæты Азæмæт та у Уæрæсейы минæварады фыццаг секретарь Колумбийы.
