филиал вгтрк государственная телерадиовещательная компания “Алания”

Ираныхъæуы байгом культурæйы хæдзар. Объект аразын райдыдтой фарон майы, национ проект «Культура» æххæст кæнгæйæ. Бæстыхайы уазджытæн сарæзтой 200 бынаты. Ис дзы библиотекæ, кусæн кабинеттæ, сценикон уæлæдарæсæн æмæ хи найæн бынæттæ. Хъæуы цæрджытæ ног культурæйы хæдзармæ тынг зæрдиагæй æнхъæлмæ кастысты, уымæн æмæ раздæр се сфæлдыстадон куыст кодтой хъæуы администрацийы. Цæгат Ирыстоны культурæйы министр Галазты Эдуард куыстытæй у разы. Уырны йæ, ацы ран куыд сывæллæтты, афтæ хистæрты дæсныйад дæр кæй рæздзæн, уый. Мадзалы дыккаг хайы сарæзтой концерт. Архайдтой дзы районы сфæлдыстадон коллективты артисттæ æмæ хъомылгæнинæгтæ.