Ацы аз дзы Уæрæсейы алы регионтæй архайы 23 педагогы
Ирон æвзаджы ахуыргæджытæ рацыдысты Æппæтуæрæсеон конкурсы финалмæ. «Уырыссаг æмæ мадæлон æвзаджы ахуыргæнджыты дæсныйадæвдисæг ахуырты» кæронбæттæн къæпхæн цæуы Мæскуыйы. Цæгат Ирыстонæй дзы архайынц Дзæуджыхъæуы 27-æм скъолайы æмæ гимназ «Диалог»-ы ирон æвзаг æмæ литературæйы ахуыргæнджытæ – Къораты Жаннæ æмæ Кочиты Тамарæ. Конкурс арæзт у 3 къæпхæнæй. Финалмæ рацыдысты, фыццаг дыууæйы чи рамбылдта, уыдон. Ацы аз дзы Уæрæсейы алы регионтæй архайы 23 педагогы. Конкурсы ис 5 хайы: ахуыргæнæг-новатор, ахуыргæнæг–мастер, ахуыргæнæджы дæсныйады фыццаг къахдзæфтæ кæнæг. Стæй 2 сæрмагонд номинацийы, мадæлон æвзагмæ цымыдисдзинад æвзарæггæнæг хъомылгæнæг, æмæ Уæрæсейы Федерацийы чысыл адæмы хæттыты æвзæгты ахуыргæнæг. Уæлахиздзауты схорзæхджын кæндзысты 15-æм ноябры Советы Федерацийы Федералон æмбырды. Уæ зæрдыл уын æрлæууын кæндзыстæм, фарон номинаци ахуыргæнæг-новаторы уæлахиздзау сси не мзæххон Нæкусаты Иринæ.
