Афтæ фехъусын кодта йе рвылазон стыр пресс-конференцийы ахуырады æмæ наукæйы министр Алыбекты Эллæ
Ирон æвзаджы олимпиадæйы уæлахиздзаутæн бафтаудзысты 5-гай баллтæ, уæлдæр ахуыргæнæндæттæм цæугæйæ. Ирон æвзаг – у æппæтæй ахсджиагдæр предметтæй иу. Фидæны фæнд кæнæм ирон æвзаг бындурондæрæй ахуыр кæнынæн сæрмагонд кълæстæ байгом кæнын. Афтæ фехъусын кодта йе рвылазон стыр пресс-конференцийы ахуырады æмæ наукæйы министр Алыбекты Эллæ.
Уымæй дарддæр ныхас цыд æндæр ахсджиаг фарстатыл дæр. Зæгъæм, ацы аз Дзæуджыхъæуы Ленины уынджы кæронмæ фæуыдзæн сывæллæтты сфæлдыстады республикон Галуаны рацарæзты дыккаг къæпхæн.
Алыбекты Эллæ ма радзырдта, 3 азмæ Цæгат Ирыстоны скъолатæн се *вдай процентæй фылдæр кæй сног кæндзысты. Уый у 138 объекты. Афæдзæй чысыл фылдæр рæстæгмæ реставраци скодтой 66 скъолайы. 2024-æмæй 2027-æм азмæ нацпроект «Ахуырад»-мæ гæсгæ скъолаты бындурон цалцæгæн радих кодтой 11 æмæ *рдæг миллиард сомы. Ацы аз республикæйы базилдзысты 28 скъоламæ. Уыдонæн се мбис сты Дзæуджыхъæуы.
Министр фехъусын кодта, Цæгат Ирыстон кæй бацæудзæн, паддзахадон хатдзæгтæгæнæн аттестаци цæуынæн сæрмагонд фæтк нысангонд кæм уыдзæн, уыцы фыццаг 5 регионы хыгъдмæ. Ныр 9-æм кълæсты рауагъдонты æнæмæнг цы фæлварæнтæ дæттын хъæуы, уыдон цыппары бæсты уыдзысты 2.
