Дæллаг Санибайы цæрджытæй алчидæр зоны Дзуццаты Зауыры. Æххуысагур æм æрбацæуынц, цæф хъæддаг цæрæгойыл куы сæмбæлынц, уæддæр
Дæллаг Санибайы цæрджытæй алчидæр зоны Дзуццаты Зауыры. Æххуысагур æм æрбацæуынц, цæф хъæддаг цæрæгойыл куы сæмбæлынц, уæддæр. Зауыр фæстæмæ никуыма никæй аздæхта. Цæмæй йæ гæнæнтæ фæуæрæхдæр уой, уый тыххæй Зауыр фæнд кæны йæ хæдзары кæрты центр байгом кæнын. Фæлæ йæ саразынæн бирæ æхцатæ хъæуы. Йæ зæрдæ дары президенты грантыл. Кæд йæ къухы бафта йæ райсын, уæд ирон Айболиты бæллиц сæххæст уыдзæнис, æмæ хъæды цæрæгойтæн фæзындзæн сæхи бардуаг. Гуытъиаты Алинæ радзурдзæн бæлвырддæр.
Дæллаг Санибайы цæрджытæй ацы хæдзар чи нæ зоны, ахæм зын ссарæн у. Йæ хæдзарон фос кæмæн фæрынчын вæййы, уый уайтагъддæр бацагуры Дзуццаты Зауыры. Æххуысагур æм æрбацæуынц, хъæддаг цæф цæрæгойыл куы сæмбæлынц, уæддæр. Зауыр фæстæмæ никуыма никæй аздæхта. Цæрæгойтæм куы базилы, йе ххуысхъуаг куы нал вæййынц, уæд сæ ауадзы фæстæмæ, хъæдмæ. Фæлæ ацы тæхсалимæ йæ хъуыддаг æндæрхуызон рауад. Цæрæгойæн йæ фæстаг къæхтæ нал куыстой, афтæмæй йæ ссардтой. Цы йын кæной, уый нæ зыдтой, æмæ йæ æрбахастой Зауырмæ.
Ном дæр ыл йæхæдæг сæвæрдта — Гришæ. Гришæ йæ сразæнгард кодта, цæмæй сараза, цæрæгойты кæм дзæбæх кæндзысты, ахæм центр. Зауыр кусы Цæгат Ирыстоны паддзахадон æрдзон фæдзæхст бынаты æмæ йæ дæсныйад зоны иттæг хорз. Йæ ныхæстæм гæсгæ, республикæйы бирæ ис, куитæ, гæдытæ æмæ цъиуты кæм дзæбæх кæнынц, ахæм клиникæтæ. Фæлæ нæ хъæуы рох кæнын, хъæды цæрæгойтæй дæр бирæты медицинон æххуыс кæй хъæуы, уый тыххæй. Центр фæнд кæны байгом кæнын йæ хæдзары кæрты.
Реабилитацион центр саразынæн бирæ æхцатæ хъæуы, зæгъы Зауыр. Фæлæ йæ зæрдæ дары президенты грантыл. Кæд йæ къухы бафта йæ райсын, уæд ирон Айболиты бæллиц сæххæст уыдзæнис, æмæ хъæды цæрæгойтæн фæзындзæн сæхи бардуаг.
