Ацы аз йæ райгуырдыл æххæст кæны 140 азы
Йæ ном цæры. Ирон аргъуаны пантеоны ссардтой адæмон нывгæнæг Тугъанты Махарбеджы рухс ном. Ацы аз йæ райгуырдыл æххæст кæны 140 азы. Уый фæдыл ын йæ ингæныл сæвæрдтой дидинджытæ. Номарæн мадзалы архайдтой республикæйы культурæйы министр Къубалты Эльбрус, зындгонд нывгæнджытæ, æхсæнадон кусджытæ, аивæдты училищайы студенттæ. Тугъанты Махарбег 1901 -æм азы бацыд императоры аивæдты академимæ. Ахуыр кодта Илья Репины æрмадзы. Йæ фæндонмæ гæсгæ Дзæуджыхъæуы арæзт æрцыд аивадон студи, Цхинвалы та нывты галерея. Йæ куыстыты æнæхъæн сери сси ирон адæмы исбон. Специалитты ныхæстæм гæсгæ Тугъаны-фырты бавæрæн ирон культурæ æмæ историмæ æгæрон у. Зæгъын ма хъæуы уый дæр, æмæ йæ ном кæй хæссы Ирыстоны аивæдты республикон музей, Цхинвалы училищæ, уыимæ Цæгат Ирыстоны уынгтæ.
