Мадзалы фæлгæты равæрдтой чингуыты равдыст
Ирон литературæйы музейы уыд Джусойты Нафийы æмæ Хаджеты Таймуразы номарæн изæр. Мадзалы фæлгæты равæрдтой чингуыты равдыст. Бацæттæ йæ кодта поэты хо- филологон наукæты кандидат Джусойты Клавдия. Кадджын, ныфсджын æмæ фыдыбæстæуарзæг адæймагæй бахъуыды кодтой йе мбæлттæ æмæ æмкусджытæ Джусойты Нафийы. Мадзалы архайджытæ æрымысыдысты ирон фыссæг, драматург, литературæ иртасæгимæ баст цаутæ. Уæ зæрдыл уын æрлæууын кæндзыстæм, Джусойты Нафи йæ цардæй кæй ахицæн æртæ азы размæ. Йæ райгуырдыл ацы аз сæххæст 95 азы. Фыссæг, Хаджеты Таймуразы та бирæтæ хонынц «Ирон Есенин». Райгуырд 1-æм мартъийы Хуссар Ирыстоны Ногхъæуы, стыр бинонты. Тырныдта сфæлдыстады йæхи фæндаг ссарынмæ. Уыимæ, цæмæй йæ ном йæ хистæр æфсымæр Джусойты Нафийы аууон ма уа, уый тыххæй Таймураз райста литературон фæсномыг Хаджеты, йæ фыды фыды номы кадæн йæ мыггаг баивта уый номæй. Уый сси адæмон поэт. Уыимæ – кæй кæсынц, уарзынц, æмæ йæ æнæбафæзмгæ фыссынады æууæлтæн аргъ кæмæн кæнынц, ахæм.
