Уыцы фæрæзты фæрцы куырм адæмæн уыдзæнис гæнæн иннæтимæ театры спектакльтæм цæуынмæ
Цы нæ зыны, уый фенын æмæ бамбарын. Тæбæхсæуты Балойы номыл Цæгат Ирыстоны паддзахадон академион театр рамбылдта хæрзаудæн фонд «Аивад, наукæ æмæ спорт»-ы грант. Афтæ фехъусын кодта театры пресс-службæ. Уыцы фæрæзты фæрцы куырм адæмæн уыдзæнис гæнæн иннæтимæ театры спектакльтæм цæуынмæ. Сæрмагонд ифтонгарзы фæрцы сын дзурдзысты декорациты æмæ суанг артистты костюмты тыххæй. Пайда кæндзысты тæлмацгæнджыты æххуысæй æмæ сæрмагонд хъусæнтæй. Уый фæрцы нæ хъыгдардзысты, сæ разы чи бады, уыдоны. Уæ зæрдыл уын æрлæууын кæндзыстæм – Ирон театр Цæгат кавказы регионты хсæн фыццаг радта гæнæн куырм адæмæн спектальтæм кæсынæн. Фыццаг ахæм спектакль уыд, Гоголы пьесæмæ гæсгæ æвæрд «Ревизор». Равдыстой йæ ивгъуыд аз мартъйы.
