филиал вгтрк государственная телерадиовещательная компания “Алания”

22:30 понедельник, 07 июля 2025
26 июня 2025, 10:38
Ирон театр цæттæ кæны спектакль, се *ппæт дæр цы аргъау зонынц, уымæ гæсгæ

«Чысыл принц» æнæнхъæлæджы ног хуызы – хистæрты цæстæй кæсгæйæ

Цæгат Ирыстоны паддзахадон академион театр цæттæ кæны спектакль, се *ппæт дæр цы аргъау зонынц, уымæ гæсгæ. «Чысыл принц» æнæнхъæлæджы ног хуызы – хистæрты цæстæй кæсгæйæ. Режиссертæ сты Красноярскæй. Премьерæ нысан кæнынц 28-æм июнмæ. Бæстондæр хабæрттæ радзурдзæн Чехойты Фатимæ.

Сывæллоны зондахаст æмæ хистæрты æвæлмаст, ног æнæнхъæлæджы хуызы. Сæйраг ролы – тæхæг. Йæ хæдтæхæг фехæлд æмæ ныр у æвдисæн, æрлæууыд тæрхондоны къамисы размæ. Фæлæ йæ уæнгты нæ уырны йæ цымыдисаг радзырд. Чысыл принц дæр се *ууæнчы аккаг нæу.

Нæ хъусынц тæхæгмæ – хистæртимæ афтæ арæх рауайы. Аргъауы бæсты баууæнддзысты бæлвырд цауыл. Тæхæг æдзæрæграны дон æмæ йæ зонды руаджы нæ ирвæзт, фæлæ  «мах хъуамæ дзуапп дæттæм, æрмахуыр кæй скодтам, уыдоныл»  ын йæ зæрдыл чи *рлæууын кодта, уый фæрцы. Чысыл принцы роль сарæзта Богъаты Руслан.  Уымæн уыд йæ дебют. Русланы ныхæстæм гæсгæ, постановкæ, айдæнау, равдыста актерæн йæхи хъуыдытæ.

«Ахсджиагдæр хъуыддæгтæ цæстæй нæ фендзынæ». Постановкæ театрдзауты зæрдыл æрлæууын кодта, хистæртæ дæр кæддæр сабитæ кæй уыдысты, уый.  Спектаклы режиссертæ сты Антон Калипанов æмæ Ольга Шайдуллина Красноярскæй. Сæ ныхæстæм гæсгæ, классикон уацмысы хъуыды арæхстджынæй райхæлдтой нырыккон театралон æвзагæй.

Цæгат Ирыстоны академион театрмæ хуынд режиссертæ премьерæйыл куыстой афæдзæй фылдæр. Антон Калипановы ныхæстæм гæсгæ, бацæттæ кæнын æй æнцон нæ уыд.

Чысыл принц атахт, фæлæ баззад мысинæгты, зæрдæйы, æнæсым залы. Спектаклы премьерæ фенæн уыдзæн 28-æм июны Цæгат Ирыстоны паддзахадон академион театры сценæйы. Режиссертæ æууæндынц, чысыл принц ссардзæн фæндаг æрмæст сывæллæтты нæ, фæлæ хистæрты зæрдæтæм дæр.

vgtrk_alania
vgtrk_alania
vgtrk_alania
vgtrk_alania