Педагогты æмæ хъомылгæнинæгтæн арфæ ракæнынмæ æрбацыдысты аивадуарзджытæ
Ирон театры арæзт æрцыд республикæйы культурæйы колледжы 30 азы кадæн бæрæгбоны концерт. Педагогты æмæ хъомылгæнинæгтæн арфæ ракæнынмæ æрбацыдысты аивадуарзджытæ. Уыимæ, æрмæст Цæгат Ирыстонæй нæ, фæлæ Уæрæсейы иннæ горæттæй дæр. Ахуыргæнæндон уал азмæ рауагъта 2 мин хъомылгæнингæй фылдæр. Республикæйы культурæйы колледжы оркестры музыкæйы зæлтæм студенттæ æмæ рауагъдонтæ адæмы размæ рахастой хореографион, вокалон æмæ театралон постановкæтæ. Уазджытæн равдыстой ахуыргæнæндоны историйы тыххæй видеороликтæ, йæ истори æмæ традицитæ. Мадзалы сæйрагдæр цы хъуыддæгтыл æрдзырдтой, уыдонæй иу – хæсты темæ. Концертмæ æрбахуыдой хæстон цауты архайджыты дæр. Колледжы кусджытæн æмæ рауагъдонтæн радтой кады гæххæттытæ.
