«Ном» – францусаг пьесæмæ гæсгæ постановкæ ирон цæстæнгасæй, бинонты хæзнатæ æмæ бæрнондзинадыл дзурæг
Ирон театры – сфæлдыстадон фæлварæн камерон хуызы. «Ном» – францусаг пьесæмæ гæсгæ постановкæ ирон цæстæнгасæй, бинонты хæзнатæ æмæ бæрнондзинадыл дзурæг. У адæмы *хсæн ахастыты арф иртæст. Постановкæйы режиссер у Челæхсаты Эдуард. Театрдзаутæ йыл сæмбæлдысты тыхджын къухæмдзæгъдимæ, скодтой йын стыр аргъ. Бæстондæр радзурдзæн Чехойты Фатимæ.
Бинонты *хсæн ноггуырд сывæллонæн ном æвзæрст. Истори райдайы хъæлдзæг ныхасæй, фæлæ театрдзаутæ уайтагъд бамбарынц: хъæлдзæгдзинад æмбæхсы ахсджиаг хъуыды. Бæрæгбоны бинонтæ кæрæдзийы тыххæй базонынц æнаив хабæрттæ. Тæбæхсæуты Балойын номыл Ирон Академион театры ацыд пьесæ «Ном»-ы премьерæ.
Постановкæйыл куыст цыдис мæй æмæ *рдæджы бæрц. Труппæйы – фæлтæрдджын актертæ æмæ курдиатджын фæсивæд. Актер Битарты Алыксандр бакуыста сæйраг хъайтартæй иуы ролыл – профессор-филологы.
Ирон театрæн ацы спектакль у сфæлдыстадон ногдзинад. Камерон форматæй постановкæты арæх нæ пайда кæнынц. Францусаг фыссæджы уацмыс ирон цæстæй бакæсгæйæ цымыдисаг уыдзæн аивадуарзджытæн.
Аивадуарзджытæ спектаклыл сæмбæлдысты тыхджын къухæмдзæгъдимæ. Чи зоны æмæ «Ном» байгом кæндзæн ног сыф Уæрæсейы Хуссар хайы зæронддæр театры историйы.
