филиал вгтрк государственная телерадиовещательная компания “Алания”

Ирыстойнаг футболисттæ Кочиты Аркадий, Денис Прочинов æмæ Леонид Мисунов Уæрæсейы иугонд командæйы хыгъды дунейы чемпионаты рамбылдтой бронзæ майдантæ, æвзæр чи хъусы, уыдоны хсæн.

Турнир уыди Италийы. Архайдта дзы 16 командæйы. Се хсæн ахæм футболон бæстæтæ, куыд Великобританийы, Германийы, Аргентинæйы, Турчы, æмæ æндæр паддзахадты минæвæрттæ. Уæрæсейы иугонд командæ фыццаг бынат бацахста, турниры къордгай кæм хъазынц, уыцы къæпхæны. Фæуæлахиз Грецийы, Японийы æмæ Америкæйы Иугонд Штатты командæтыл. Финалы цыппæрæм хайы не мзæххонтæ тыхджындæр разындысты бельгийаг футболисттæй. Æрдæгфиналы та национ командæ фæхæрд и Туркæн. Афтæмæй сæ бон уыди æрмæст бронзæ майдантыл тох кæнын, æмæ сæ фадатæй спайда кодтой. Матчы æртыккаг бынатыл 5:1 хыгъдæй фæуæлахиз сты Аргентинæйы иугонд командæйыл. Сæ иугонд командæйы ирыстойнаг футболисттæ ахсынц ахсджиаг бынат.

Леонид Мисунов у командæйы капитан, фæлтæрдджын дуаргæс у Денис Проничев – дунейы чемпионаты нымад æрцыди хуыздæрыл. Кочиты Аркади Италийы чемпионаты бакъуырдта, стыр нысаниуæг кæмæн уыди, ахæм 2 пуртийы.