Зындгонд балет «Кармен» сæвæрдта хореограф æмæ режиссер Анжелика Холинæ
Ирыстойнаг сценæйы та ныр радон хатт испайнаг æнкъарæнтæ. Зындгонд балет «Кармен» сæвæрдта хореограф æмæ режиссер Анжелика Холинæ. Æмæ æвæстиатæй фæндаг ссардта нæ республикæйы аивадуарзджыты зæрдæтæм. Æнæ ныхæстæй бамбарæн кæй ис, ахæм дисыфтауæг истори радзырдтой 25 адæймаджы. Се ппæт дæр сты республикæйы культурæйы колледжы студенттæ. Кæй зæгъын æй хъæуы, сценæмæ фыццаг хатт нæ рацыдысты. Фæлæ сын алы хатт дæр сæ зæрдæйы сагъæстæ æмбæхсæн зын вæййы. Репетицитæм лæмбынæг касти Мариинаг театры цæгатирыстойнаг филиалы сæйраг балетмейстер Суанты Валерий. Куыд радзырдта, афтæмæй спектакль æнтыстджын кæй рауад, уымæй бузынг у се ппæты куыстæй дæр, куыд актертæй, афтæ фæскулисæты чи кусы, уыдонæй дæр. Фыццаг хатт хореографион спектакль Дзæуджыхъæуы равдыстой 2016-æм азы. 2017-æмы та Мæскуыйы Евгений Вахтанговы номыл театры. «Кармен»-мæ бакæсæн уыдзæн фидæны дæр.
