Нæлгоймагыл нæй къах, фæлæ йæ уый нæ хъыгдары йæ бæллиц сæххæст кæнын
Сæрибар маргъау уæларвмæ стæхын… Се нæниздзианд хъыгдард кæмæн у, уыцы адæмæн фæзынд планертыл тæхын сахуыр кæныны фадат. Нæ дарддæры æрмæджы радзурдзыстæм, Ирыстонмæ ахуыртæм Хъырымæй чи ссыд, уыцы адæймаджы тыххæй. Нæлгоймагыл нæй къах, фæлæ йæ уый нæ хъыгдары йæ бæллиц сæххæст кæнын. Дзæуджыхъæуы авиацион-спортивон клубы тыххæй бæлвырддæр радзурдзæн Тъехты Элинæ.
Цъæх арвмæ стæхын бирæты фæфæнды, фæлæ йæ ныфс алчи нæ хæссы. Се нæниздзинад хъыгдард кæмæн у, уыцы адæмæн фадат ис сæ бæллиц сæххæст кæнынæн проект «На крыльях мечты – под парусами надежды»-йы руаджы. Уыцы адæмæй иу у Борис Небреев. Уæрæсейы инвалидты спортивон цæдисы проектæн æххуыс кæны президентон грантты фонд. Уый руаджы се нæниздзинад хъыгдард кæмæн у, уыцы адæмы ахуыр кæнынц планертыл тæхын. Ног наукæ базоныны тыххæй Борис Дзæуджыхъæуыккаг авиацион – спортивон клубмæ ссыд Хъырымæй.
Командæгæнæджы амындмæ гæсгæ планер сæрибар маргъау стæхы уæларвмæ. Алцыдæр ис Барисы къухты. Кæд æрæджы дæр ма уыцы хъуыддаг æрмæстдæр йæ цæстытыл уадис, уæддæр.
Инструктортæ куыд зæгъынц, афтæмæй ахуыртæ цæуынц хорз. Планертæй архайыны спорт парахатдæр уыд Советон Цæдисы рæстæг. Фæлæ та йæ ныр дæр сног кодтой Дзæуджыхъæуы.
Ахуыртæм Борис Небреев цæуы зæрдæргъæвдæй. Мæт кодта, куы нæ йын бантыса, зæгъгæ, фæлæ ныридæгæн дæр ахуыры рæстæг кæны æнтыстджын къахдзæфтæ.
Барисы нырма хъæуы сахуыр кæнын теори æмæ йæхи бафæлварын практикæйы. Фæлæ сæйрагæр – йæ зæрдæйæ тас аиуварс кæнын. Æмæ нæлгоймагæн уый ныридæгæн бантыст.
Барисæн ма ай у иу фадат йæ хъару взарынæн. Йæхи дæнцæгæй æвдисы, адæймагæн йе нæниздзинад хъыгдард куы уа, уæддæр йæ бон бирæ кæй у, уый.
