Фыццаг ахæм фестиваль нæ республикæйы арæзт æрцыд фæсивæды хъуыддæгты комитеты хъæппæрисæй.
Ирыстоны активон фæсивæд баиу кодта форум «Ирон фæсивæд». Фыццаг ахæм фестиваль нæ республикæйы арæзт æрцыд фæсивæды хъуыддæгты комитеты хъæппæрисæй.
Мадзал арæзт æрцыд форум Машукы агъоммæ. Лæппутæн æмæ чызджытæн фадат уыд Уæрæсейы фæсивæдон центры федералон эксперттæй консультаци райсынæн. Æртæ боны форумы архайджытæ куыстой сæ проекттыл. Августы сæ адæмы размæ рахæсдзысты Цæгат Кавказы форум «Машук – 2019»-ы. Абон фæсивæдимæ фембæлд республикæйы сæргълæууæг Битарты Вячеслав. Се зсæн рауад æргом æмæ ахадгæ ныхас. Форумы архайджытæ регионы разамонæгмæ лæвæрдтой фæрстытæ, æмæ сын истой бæстон дзуæппытæ. Фылдæр сæ тыхсын кодтой социалон амалхъомдзинады æмæ æрыгон бизнесментæн æххуысы мадзæлттæ. Форумы архайджытæй иу бахаста курдиат, цæмæй ахæм фембæлдтытæ арæзт цæуой алы аз дæр. Битарты Вячеслав уыцы хъуыдыимæ сразы. Фыццаг ахуырадон форум уыди лагерь Металлурджы. Æдæппæтæй дзы архайдта 300 лæппуйы æмæ чызджы республикæйы алы районтæй.
