Уарзиаты Хадзисмел бирæ азты разамынд лæвæрдта паддзахадон ансамбль «Алан»-æн
Хореограф, балетмейстер, Уæрæсейы аивæдты сгуыхт архайæг. Ирыстоны мысынц Уарзиаты Хадзысмелы. Зындгонд артист æмæ кæфтытæ æвæрæджы райгуырдыл сæххæст 84 азы. Уарзиаты Хадзисмел бирæ азты разамынд лæвæрдта паддзахадон ансамбль «Алан»-æн. Бирæ азты дæргъы куыста нæ республикæйы театртимæ, куыд балетмейстер, афтæ. Уымæй дарддæр хореографион инсценировкæтæ æвæрдта алыхуызон спектакльты. Уыдонæн стыр аргъ кодтой аивадуарзджытæ, критиктæ æмæ театралон драматургтæ дæр. Спектакльтæ «Цола», «Чермен», «Фатимæ», «Азау æмæ Таймураз», се ппæт ранымайæн зын у. Фæлæ фидарæй зæгъæн ис, сызгъæрин дамгъæтæй фыст кæй æрцыдысты Ирыстоны аивады историйы. Зындгонд ирон балетмейстер æххуыс кодта иннæ кафæг коллективтæн дæр. Се хсæн ансамбльтæ «Хохаг», «Кафт», «Арт». Йæ царды бонты Уарзиаты Хадзысмел куыста национ хореографион культурæ сног кæныныл. Мастер фæцард цыбыр æмæ зын, фæлæ уыимæ тынг ирд цард. Ирыстоны историйы баззад хореографион аивады, дæнцæгæн хæссинаг мэтрæй.
