Уый тыххæй Указ бафыста республикæйы Сæргълæууæг Сергей Меняйло
Ахуырады рæзтмæ стыр æвæрæн кæй бахаста, æмæ фæлтæрдджын специалистты цæттæ кæныны тыххæй «Ирыстоны намысы» майданæй хорзæхгонд æрцыд педагогон наукæты кандидат, журналистикæйы кафедрæйы сæргълæууæг Тедтойты Зинаидæ. Уый тыххæй Указ бафыста республикæйы Сæргълæууæг Сергей Меняйло. Кадджын хæрзиуæг профессорæн радта Цæгат Ирыстоны паддзахадон университеты ректор Огъуаты Алан, Ахуыргæндты Советы æмбырды. Тедтойты Зинаидæ ныр 50 азæй фылдæр ис ацы дæсныйады. Уыдонæн сæ фылдæр хай балвар кдта университетæн. Уыд журналистикæйы факультеты декан. Схъомыл кодта профессионалты цалдæр фæлтæры, æмæ ныр дæр йæ зонындзинæдтæ не вгъау кæны студенттæн. Зинаидæ мыхуыры рауагъта классикон уацмыстæ ирон æвзагмæ тæлмацгондæй. Йæ куыстытæ сты Уæрæсейы æмæ дунейы бæстæты зындгонд библиотекæты. Тедтойты Зинаидæ ма у Цæгат Ирыстоны ахуырады сгуыхт кусæг.