05 апреля 2025, 10:49
Историйæ æппæтуæрæсеон олимпиадæйы финалон къæпхæны фæлгæты разамонæг – педагогтæн ацыдысты ахуырадон-методикон семинартæ
Бацæттæ сæ кодтой историон наукæты доктор Бзарты Руслан æмæ историон наукæты кандидат Мамиаты Михаил
Историйæ æппæтуæрæсеон олимпиадæйы финалон къæпхæны фæлгæты разамонæг – педагогтæн ацыдысты ахуырадон-методикон семинартæ. Бацæттæ сæ кодтой историон наукæты доктор Бзарты Руслан æмæ историон наукæты кандидат Мамиаты Михаил. Семинары архайдтой бæстæйы 150 педагогы. Лектортæ сын радзырдтой, Фыдыбæстæйы Стыр хæсты рæстæг Ирыстоны æмæ «Нæ бæстæйы истори»-йы ахуырадон курс амоныны хицæндзинæдты тыххæй. Æппæтуæрæсеон олимпиадæйы кæронбæттæн къæпхæн ацæудзæн ЦИПУ-йы 10-æм апрелы онг. Олимпиадæйы уæлахиздзауты æмæ призерты дипломтæ дæттынц, Уæрæсейы хуыздæр уæлдæр ахуыргæнæндæтты профилон факультеттæм æнæ фæлварæнтæй бацæуыны фадат.
темæмæ гæсгæ
