22 сентября 2022, 10:09
Иу милуан сомы дихгонд æрцыди се нæниздзинад хъыгдæр кæмæн у, ахæм сывæллæтты тæвд хæринагæй ифтонг кæныны мадзæлттæн
Уый тыххæй фехъусын кодтой Дзæуджыхъæуы минæвæртты æнæрадон æмбырды
Иу милуан сомы дихгонд æрцыди се нæниздзинад хъыгдæр кæмæн у, ахæм сывæллæтты æмæ фæкæсынхъуаг бинонты сабиты тæвд хæринагæй ифтонг кæныны мадзæлттæн. Уый тыххæй фехъусын кодтой Дзæуджыхъæуы минæвæртты æнæрадон æмбырды. Милуан æмæ 5 сæдæ мин сомы та ма республикæйы Сæргълæууæджы резервон фондæй лæвæрд æрцæудзæн Аланийыл саргъуыды 1100 азы бон сбæрæг кæныны хъуыддæгтæн. Бахардз сæ кæндзысты армукъатæ, равдыстытæ æмæ дзыллон мадзæлттæ скæныныл. Æмбырды Дзæуджыхъæуы минæвæртты депутаты хæстæй уæгъдгонд æрцыди Дыдарты Сослан, уымæн æмæ йæ равзæрстой республикæйы Парламенты депутатæй.
